﷽

Bismilahi Rrahmâni Rrahîm 

E kalova ditën kot, ç'të të bëj, jeta ime, ty?

Erdhe e shkove, s'të dita; ç'të të bëj, jeta ime, ty?

S'të çmova ty, prandaj s'ta dita vlerën;

S't'u bëra besnik, ah, ç'të të bëj, jeta ime, ty...

Nëse gjalma e jetës më pritet, trajta më prishet,

E mira, e keqja më shkruhet, ç'të të bëj, jeta ime, ty?

Të mos kthehesh më sërish, mua të mos më gjesh

Këtë qerthull ta lësh; ç'të të bëj, jeta ime, ty?

Nëse ia hyn punës e shkon, më lë të vetëm mua,

Nëse hyn nën dhe të zi, ç'të të bëj, jeta ime, ty?

Të dy bashkë sa qemë, u gëzova edhe qesha

Fundi, në kujtime mbeta; ç'të të bëj, jeta ime, ty?

I mjeri Junus, do të shkosh, vallë mos do udhëtosh?

Ç'të kesh bërë, do ta gjesh; ç'të të bëj, jeta ime, ty?

• Divani, Junus Emre. Përkthyer nga Mithat Hoxha. (Shkup: Logos-A, 2011)

Tags: Yunus Emre shqip, ashik Junusi ➜