﷽

Bismilahi Rrahmâni Rrahîm

Klubi i librit Sofra e leximit asht nji sofër ku çdo të tretën javë mblidhemi online, lexojmë e i bajmë muhabet librat, shkrimet a filmat e ndryshëm. Mbledhia e sofrës zakonisht mbahet te shtuneve në ora 18:00 - 19:30.

Kjo sofër ka fillu qysh prej 24 gushtit të vjetit 2024. Deri më sot kemi pas mundësinë me i ba muhabet titujt si Princi i vogël prej Antoine de-Saint Exupéry , Lejla dhe Mexhnuni prej Nizamit, Âmâk-ı Hayal [shq. Thellësitë e imagjinatës] nga Ahmed Hilmi, Jusufi me Zelihanë nga Hafiz Ali Korça, Jusufi dhe Zylejhaja nga Mevlana Xhami bashkë me serialin dhe suren mbi të etj.

Të gjithë jeni të mirëseardhun!

Regjistrimi & pjesëmarrja (falas)

Për pjesëmarrje luteni me na shkru në email-in tonë trandofilishta@gmail.com apo në rrjetet tona sociale.

Libri & filmi i tanishëm në Sofrën e leximit

Fjala “Aman” është e barabartë me emrin tënd të nderuar

Prandaj, zikri i ashikut është “Aman!”, o Resulullah!

Me bismilah…

Mbas nji pushimi veror, rikthehemi prapë me Sofren tonë të leximit, ku, si vjetin e kalum, do t’vazhdojmë me temën për jetën e Pejgamberit tonë, Muhammed Mustafasë, salallahu alejhi ve selam.

Libri që kemi pas si referencë deri tash rreth sirës profetike ka qenë libri “Hazreti Muhammed Mustafa (sal-lall-llahu alejhi ve sel-lem): Periudha e Mekës” nga Osman Nuri Topbash i sjell në shqip prej Mithat Hoxhës.

Kësaj radhe do ta vazhdojmë ta lexojmë prej faqes 314 deri në fund. Në këtë pjesë të librit vihet në pah vjeti i 7-13 në Mekë mbas shpalljes profetike deri te largimi i Pejgamberit alejhi selam për në Medine.

Ju ftojmë t’i bashkoheni Sofrës tonë mbi këtë temë të shtunën me 12 shtator 2026, në ora 18:00-19:30 CEST, online.