﷽

Në Kuran përmenden dy fjalë në lidhje me agjërimin:

I. Sawm = الصوم

II. Sijam = الصِّيَامُ

Të dyja këto fjalë kanë rrënjën e përbashkët (S-W-M), që përmendet 13-të herë në Kuran.

E para cilëson agjërimin si iniciativë jo të detyrueshme, ndërsa e dyta, agjërimin si detyrim Hyjnor.

Termi sawm është aplikuar një herë të vetme dhe kjo në suren Merjem, ajeti 26.¹

Kuptimi i termi sawm është: të abstenosh, të heqësh dorë, të ndalosh vetveten, të heshtësh, të zbutesh.

Sipas këtyre vëzhgimeve, agjërimi në sensin e termit sawm është abstenim i pastër, heshtje dhe zbutje. Pra, agjërimi i vazhdueshëm është një shteg drejt heshtjes, zbrazëtisë, kufizimit në veprimet dhe fjalët tona. Vetëm kur heshtim, lejojmë hapësirë për Fjalën Hyjnore.

________

¹ Merjemi vendosi të agjërojë për hir të Allahut duke marrë zotimin të heshtë në të njëjtën kohë. Kur u ndesh me një grup njerëzish që nuk e kuptonin sesi ajo mund të kishte një fëmijë duke mos pasur burrë, duke qenë se kishte vendosur të mos fliste, ajo bëri një shenjë ndaj foshnjës, Hazreti Isait i cili përgjigjet në vend të saj dhe thotë se ai është i dërguar Hyjnor.