Shigjetat e ashkut janë aq precize

me i prapsu ato s'ka mburojë urtie

në tokën e zemrës ato udhën e çajnë

njiqind gjurmë plagt' tradhtisht u lajnë.

Aroma e temjanit hapërndahet anë e mbanë

e dashnia, si misku, kot fshihet menjanë.

Mespërmes njiqind vellove aroma depërton

munin e dobtë me u fsheh ajo ta rrënon.

Dashnia e Zylejhasë ish e pakallxueme,

fara e vuetjes n'gji t'saj rrinte e errsueme.

Po dashnia mori forcë e vuetja u rrit

shumë e ma shumë ajo jasht u paraqit.

Uji asaj i rrjedhte çurk prej syve —

uj'? jo, po rrjedhë me gjak e ngjyeme.