﷽

Bismilahi Rrahmâni Rrahîm 

A je Ti dielli, Afërdita a mos hana? Nuk e di.

Se çka po don prej ktij abdalli t'dalldisun - s'e di.

N'kit oborr misteri, krejt asht butësi e harmoni

Çfarë fushe, lëndine, a çfarë oborri je Ti - s'e di.

Ftyra jote ma ka mbush shpirtit me trandofila, vjollca, naçise e zambakë

Hana jote ka ndritë hanen teme, o çfarë shoku je ti - hiç s'e di.

Çfarë oqeani mrena zemre, përplot peshqi e i pa skaj - mrekulli

Kurrë s'kom pa ksi oqeani a kso peshqi - për ta s'kom njohuri.

Sulltanati i krijesave asht rrëfim i parandësishem, tam si kupa e sulltanit.

Për qi ka kun tjetër sulltan pos Tij - une s'di.

O i Mahnitshëm, Diell i pafund - tana grimcat e tuja po flasin

A je ti Nuri i Thelbit të Zotit? A mos je ti vet Zoti? Nuk po e di.

Hijeshia jote njimijë Jakuba asht tu i ba shkrum e hi

O Jusufi i bukurive, pse je Ti n'kit pus? Nuk e di.

Hesht! Nji rrëfimtar, gjithmonë tuj ndryshue je ti

Për nji moment je hu, në tjetrin ha e në tjetrin ah - nuk e di.

Po heshti se prej magjisë qi m'ka kaplue krejt jom pi

shuemjen e dehjen prej vetëdijes me dallue - nuk po di.

Divani i Shams-i Tabrizit (1436)

• Shqipërimi është krahasuar me përkthimin e W. Chittick në "The Sufi Path of Love" SUNY Press, Albany, 1983 dhe Edin Lohjës në Flakërime Dashurie, fq. 165-166.

• Përktheu: Trandofilishta

• Kaligrafia: "Ja hazreti Mevlana"

➜