﷽

nis' din helat rahî sahijân sang

Tanë ditën lujta më miqt' e mi

e tash m’ka hy nji frigë e madhe.

Aq i naltë asht pallati i Zotit,

sa qi zemra po m’dridhet

me iu ngjitë shkallve t’tij;

po në të njajtën kohë

s’duhna me u turpnu

nëse du me ja shiju dashninë. 

Zemra jem duhet me i ndejt besnik
Dashnorit t’vet;

duhna me e hjek mbulojën

e me e takue Ata me tanë trupin tem.

Sytë e mi duhet me performu

ceremoninë e kandilave t’dashnisë.

Ndigjo o mik çka po t'thotë Kabiri

Ai i kupton ata qi dashunojnë;

nëse nuk e ndinë

djegien e mallit të dashnisë për të Dashtunin tand,

atëherë kot trupin e zbukuron

e kot syrme në sy vnon.