﷽

Bismilahi Rrahmâni Rrahîm 

Kjo botë s'i mbetet kujt; aty e ke vdekjen, kujdes;

Kush ikën, ikën, më s'vjen; aty e ke vdekjen, kujdes...

Kush vjen, shkon, kush zë vend, mërgon, ha ç'i takon;

Vdekja jetës i pret qefin, aty e ke vdekjen, kujdes...

Mal që të bie sipër, vdekja vjen, gjuhën ta mbërthen;

Kopshte e vreshta mbeten; aty e ke vdekjen, kujdes...

Veshja-qefin bëhet dhé, gjethe mbijnë mbi të;

Sytë të mbushen me dhé; aty e ke vdekjen, kujdes...

Trashëgimtarëve u mbetet malli që mblodhe në vitet,

Në gropë ti i heq vuajtjet, aty e ke vdekjen, kujdes;

Pra, mos e pandeh tëndin, do ta vuash haramin,

Do të të pyesin për hallallin; aty e ke vdekjen, kujdes...

Malli u mbetet të tjerëve, vepra jote vjen pas teje;

Dora s'të zë një copë gjë; aty e ke vdekjen, kujdes...

Nuk kthehet ai që arrin atje, mbetet errësirave...

Këtu shih të bësh të mira; aty e ke vdekjen, kujdes...

Mëkatar je me mëkate shumë, por pa një rënkim;

S'ke nga shkon tjetër drejtim; aty e ke vdekjen, kujdes...

Junus, vër lakun në qafë, pastaj lër porosi pas;

Preje lidhjen me këtë botë, aty e ke vdekjen, kujdes...

• Divani, Junus Emre. Përkthyer nga Mithat Hoxha. (Shkup: Logos-A, 2011)

Tags: Yunus Emre shqip, ashik Junusi ➜