﷽

Bismilahi Rrahmâni Rrahîm 

GAZA

Hana e tetorit

shndriti prej shpirtrave t’shehidëve.

Rripi i ngushtë i tokës

(mbluem me gërmadha)

bante dhikr me gjakun e dëshmorëve:

Ja Hakk, Ja Habb, Ja Rabil Alemin’!

Hana e tetorit

shndriti me pikëllim

emrat e mërguem t’shehidëve.

(Hasan, Walid, Emin)

T’pastër e t’qetuem

prej diku larg kndonin:

Ja Hakk, Ja Habb, Ja Rabil Alemin’!

Hana e tetorit

dëshmoi përflakjen e natës

dhe buzëqeshjen e vocërrakve

dhe lotët e nanave

dhe gjokset e arabëve

dhe plagët e tokës

dhe gazin e ngrimë

dhe zjarrin e zemrës

dhe sytë e armikut

dhe vizllimën e tehut t’shpatës

që i çau perdet dysh...

Aty kndonin shehidët

Ja Hakk, Ja Habb, Ja Rabil Alemin’!

• Autor: Don Mehaj (28 tetor 2023)

• Fjalë: Hakk- Zot, e Vërteta; Habb - Habib, i Dashtun; Rabbil Alemin' - Zot i botëve

• Piktura: Detaj "Homazh i shehidave" prej Ismail Shammout-it (1920-2006) artist palestinez dhe historian arti

➜