﷽

Bismilahi Rrahmâni Rrahîm 

 Fuqi' e Perëndisë

Duketë tek do,

Se shpirt' i gjithësisë

Po është ajo.

Ajo është gjithë ç' janë,

Është në çdo vënt

E duket më ç'do anë,

Në trup e në mënt.

E shohëmë në qiej,

Në shi e në ré,

Ndë hën' e në për diej

Ësht' edhe në dhé.

Mê tepër zemrën tënë

Atë ka për fron,

Nuk ja dëgjon zënë,

Zemrën s'e dëgjon?

• Burimi: "Lulet e Verësë"

• Fotografia: Varri i Naim Frashërit pranë teqesë së Merdivenköy në Stamboll, aty ku u varros fillimisht.

➜