Fyelli i barive

Fyelli i barive,

Jehon nder kto zalle

Si malit âshtu vrrive,

Me kângë e me valle.

Me Zâna të shitueme,

Pranë lumit e sheut;

Me Oren të zânueme,

Për të bukren e dheut.

Me vallet qi këndojnë,

Livdojnë bukurin;

T'vërtetën tregojnë,

Ndjellin dashtunin.

Dashtunija e zjartë,

Zêmrën thellë e prek;

Bukurija e naltë,

Me shijë e tërhjek.

Shpesh herë bukurija,

E naltëson njerin;

E çon ke dashtunija,

Kû i rrëfen Tanësin...

Zblohet msheftësija,

Dhe misteri i lartë;

Ngritet Perëndija,

N'kuptimin mâ t'kjartë!...

Sa të ndrisë e vërteta,

Për hirë të dashtunis;

Pasqyrohet jeta,

Në lumni të bukuris.

Kushdo qi u shëndritë,

Shpirtin e shpetoj;

Me t'vërtete u ngritë,

Vdekjes nuk i mpshoj.

Ç'm'at' kohë xûe me u ngjallë,

Mrekullija në botë;

Për dashtni e mallë,

E veprim mâ të plotë.

Pra, i kjofshim falë,

T'flijuemit për besë;

Për virtyt e fjalë,

Shpirti-Shêjtë qindresë!...

Lajmi i derguem,

Vjen nga ana e t'Zotit;

Me fakt i dishmuem,

Si mbas ligjve të motit.

N'provë, n'disi, n'vullndet,

Kndellet shpirti i qetë;

Shtiellet me i pushtet,

Qi s'ka t'mêmë, as të mbetë.

Filli i filluem,

Gjithnji âsht n'vijim;

Si afsh i amshuem,

Ndihet n'rruzullim!...

Kjo botë âsht pasqyrë,

Ç'do gjâ duket n'jetë;

Vetëm ka dy ftyrë,

T'rrêmë edhe t'vërtetë...

Pra, t'gjurmojmë m'njên'anë,

T'vërtetën tu'ndjekë;

T'rrêmat duhen lanë,

Me Hyjni me u pjekë!...

Kush e ndjek ket sektë,

Aj, ka me u shelbue;

S'bâhet shêjt me predkë,

Veçse tu' veprue...

Shêjtnija n'veprim,

Ka kênë dhe do t'jetë;

Pra, çdo fé n'parim,

Drejtësin do t'a ketë.

Drejtësija e vërtetë,

Paqë âsht për gjithsin,

Shperblimin do t'ketë

Nji për të tanë njerzin!...

Vrejtje: Në Dhantin Hyjnore miku mâ besniku âsht mistiku!...