﷽

Fjala shqiponjë në gjuhën latine aquila dhe fjala 'akl në arabisht janë të ngjashme sepse kanë thuajse të njëjtat gërma.

Ne arabisht fjala 'akl shpreh veçanërisht faktin e të kuptuarit dhe njohjes së botës, me një fjalë, të të qenurit inteligjent. Më shpesh, midis filozofëve arabë, fjala 'akl përcakton si zgjuarsinë po ashtu edhe instrumentin e dallimit të drejtë.

Është interesant fakti që harfi bā ( ب ) e Bismilasë e cila është shkronja e parë e shpalljes, përfshin në vetvete edhe harfin elif ( ا ) duke formuar në të vërtetë një lloj Elif-Bā-je. Kjo vërehet lehtë kur shikojmë kaligrafinë e besmelesë.

Për të riardhur tek shqiponja, kuptimi ezoterik i shqiponjës me dy kokë mund të shpjegohet si më poshtë: një kokë simbolizon Parimin Hyjnor - (Elifin) dhe koka tjetër manifestimin e Tij - (Bā-në) ; shpjegim nga Shejh Muhamed Valsan. 

Në fillim të shekullit të kaluar, ndër variantet e tjera, shqiponja dykrenare ishte realizuar nga disa Shejhlerë si Shejh Ahmet Shkodra dhe Shejh Mustafa Reka në një kaligrafi në arabisht ku vetë shqiponja me kokat e krahët ishte kaligrafuar me Besmelenë.