Ramja e gjetheve, 1961

n’pesëdhet’ mijë poezi, romane e kso gjanash për ramjen e gjetheve kam lexue

pesëdhetë mijë filma me ramje gjethesh i kam shikue

pesëdhetë mijë herë gjethe kam pa tuj ra

tuj u rrzue, tuj u bajt prej erës, tuj u kalb…

pesëdhetë mijë herë shushurimën e vdekun ua kam ndi 

nën këpucë, n’duer, n’gishtërinj…

po kur shoh gjethe tuj ra, prekna përsëri

sidomos kur bien në bulevarde

e janë gjethe gishtaje

sidomos kur kalojnë fëmijë andej

e dita asht' me diell…

sidomos nëse prej dostit lajm atë ditë kam marr’

dhe dhimta zemrën peng nuk ma mban

dhe se e dashtuna m’don, sigurt e di

dhe me njerezit e me veten jam n’razi

ramja e gjetheve fort më prek

sidomos kur bien në bulevarde

sidomos kur janë gjethe gishtaje…