Arra e moçme

kryet nalt mȋ ré, mrena e jashtë det

unë jam nji dru arre n’parkun Gylhane

nji arrë e moçme plot t’çame e dèj’

po ti ktâ s’e din, s’e din as policia

unë jam nji dru arre n’parkun Gylhane

gjethet e mia të lehta, të lehta si peshqit në ujë

gjethet e mia të buta, të buta si shami mnashi

kpute nji, trandofilja jem, lotin fshij

gjethet i kam duer, rrafsh njiqind mijë

me njiqind duer t’preki ty,

dhe Stamollin

gjethet i kam sy, kqyri me mahni

me njiqind mijë sy t’kqyri ty,

dhe Stamollin

si njiqind mijë zemra rrahin, rrahin gjethet e mia

unë jam nji arrë e moçme n’parkun Gylhane

po ti ktâ s’e din, s’e din as policia