﷽

Bismilahi Rrahmâni Rrahîm 

Shpirti i xhahilit asht larg duasë

“ja Rabb” me thonë hise s’i bjen me pasë

gjuhën e zemrën e ka t’mbyllun me vulë

te Zoti s’un vajton për dhimtën qi e vunë

Zoti faranit i dha lloj-lloj pasunie

e për fuqi e madhështi ai çoi krye

n’asnji çast t’jetës ai i ligë derte s’pati

kështu qi Zotit ai i mjerë kurrë nuk i kajti

mbretninë e tanë dynjasë Zoti ia dha

po derte, vuetje e shnetë t’ligë nuk i dha

dhimta asht ma e mirë se mbretnit’ e alemit

se biles prej saj e thirrë e i ban dua fort Zotit

thirrja e t’padertit vjen prej zemrës t’ngrime

a thirrja e dertliut vjen prej zemrës t’thyme

zanin nër buzë kjo t’shtin me e kurthu

burimin e fillesën t’ban me e kujtu

kjo masnej zanin ta dëlirë qi me ba dua’

O Ti qi ndihma i lypet, kqyr çare me na ba.

• Vargjet: Mesnevia III (v. 198-206) sipas radhitjes së përkthimit të Xhavit Moxhadedit (Jawid Mojaddedi) në anglisht.

• Shqipërimi ka marrë për bazë dy përkthime në anglisht, atë të Nikollsonit dhe Moxhadedit.

• Përktheu: Trandofilishta (Dhjetor 2023) 

• Fotografia: Irfan Medeniyeti

➜