﷽

Bismilahi Rrahmâni Rrahîm

Dhoma e Emily Dickinson

Poezi ajo shkruejti në msheftësi

msheftësi ajo shkruejti në poezi,

e tha qi lidhjen shpirtnore e ndiente

veç në qetësi kur ish fillikat e vetme.

E heshtun dukej e e çuditshme

po si tanë ulej me mirësjellje,

vishte rrobat e të thjeshtëve

edhe dhomëzën të zbraztë e kishte.

Në brendi të saj nji penxhere ish

detin hapun përballë e kish

kupën e qiellnave matanë tij

edhe zjarrmin poshtë tij.

Ata qi shikuen në të sajën dhomë

thanë qi s'kish penxhere aty kun

me dhimtë ajo synin ua vnonte

penxhereja asht në mendje, ajo thonte.

Ata i thoshin: "Hajde jasht se ka dal behari

asht nji dynja jasht me e pa ti".

Ajo thonte: "Në tanë kozmosin s'ka asgja

qi s'asht veçse me mu tashma".

Prej agrofobie asht kaplu, thanë ata

sebep depresioni â qi n'té ka ra

at' e ka kapë edhe ankthi

e e ka luejtun mendsh edhe zjarrmi.

Poezitë qi i pat shkrue ajo ama

si shiu i shtatorit ishin t'ambla

lule t'pavdekshme Dashunie

bahçe të blera qi s'kanë venitje.

E vërteta e bukuria sesi

nën dhe, nën varr bahen nji

po nji përherë ato janë kanë

ama gjuha e mangtë për me thanë.

Poezi ajo shkruejti në msheftësi

msheftësi ajo shkruejti në poezi

edhe pse sun matej me té asnji hiç

e përunjur, e panjohun ajo vdiq.

Page updated

Google Sites

Report abuse