﷽
Bismilahi Rrahmâni Rrahîm 

Çdo periudhë e ka ritmin e saj

Dhe ata thonë se thelbësorja qëndron në largimin prej asaj që e ndotë zemrën; në shkeljen nefsit të etun. Këto janë çelsat që hapin portat e msheftësive dhe ndigjimit. Çelsat që çvelojnë nji përceptim ma të thellë dhe qartësojnë shikimin ndaj realiteteve të gjanave.

Nëpërmes përmbajtjes së vetes vjen ngritja e vërtetë e saj. Dhe kjo asht ma ndriçuese sesa thjesht kalimi nëpër lëvizje, edhe nëse ato janë të shumta. Sepse, nefsit i vjen rand me lanë ata për të cilin asht i etun; ama në këtë mënyrë shumohet drita.

Përkorje asht vendosja e vazhdueshme e nefsit në nji krizalidë* që ta merr frymën, po gjithmonë tue pas mundësinë e zbulimit të bukurisë së saj mbas metamorfozës.

E çdo periudhë duhet me u nderue në mënyrë që të kemi qasje në dhuratat e saja të veçanta. Ama edhe gjanat e mira duhet ta kenë hapin e duhun. Rrjedha asht e pastër në zemrat e të sinqertëve. Dhe çdo shpirt ka me mbërri ata për të cilën mundohet.