Ia kam zili ranës qi kambët ia preku

i jam xheloz mjaltës qi ambël e pat shiju

zogjve qi përmbi i fluturuen

marimangave qi rrjeta sakrale thuren

për me e pshtue atë prej armiqve t'tij

reve qi u formuen në det ua kam zili

e qi mburojë u banë prej nxehtit me e rue

prej atij dielli drita e t'cilit s'un u krahasue

me t'atij, fytyra e t'cilit dritë pat ba

sa qi në pikë të natës ke mujtë me pa

ia kam zili drujve qi kundruen

formën e tij, totalisht t'hutuem

pa pas haber a ka lindun dielli

duke ndi vetën në harmoni

me ata qi janë falë e kanë ngjinu

veç pse ai u ka thanë ashtu

me hak, mirësi e bamirësi

prej Zotit qi dha qartësi

rahmeti i Tij shkon te ai qi e ka çue

me i formue zemrat kah qielli me u anue

ia kam zili t'gjithë atyne qi i pati n'krahë

t'cilët panë rrjedhën kur ndrroi kah

kur haku triumfoi e u largue rrena

e jetë t'vdekurve u dha shpresa

burra e gra prej tij gjetën mirësitë

për me e lyp fytyrën fisnike t'Zotit

ia kam zili kupës me t'cilën piu

mendimeve t'tij qi na ndihmuen me mendu

me u ba nji mendim qi i kaloi

me u sjell aq mirë qi e inspiroi

për mue kjo botë as nji pikël s'ish kanë

veç nji mendim i tij t'isha kanë

nëpër kohna prej tij te Zoti

si shpallja qi shkallë shkallë i zbriti 

më dhimbsen ata qi mendojnë çudi

me e ndie tuj fol qi Zoti asht nji

apo qi ai u dërgue prej Zotit për njerëzinë

shpirtnave me ua mpreh mprehtësinë

asht krenaria qi prej pamjes verbon

qi të mirët me ia pa dritën u ndihmon

rob të Zotit me kanë ai na pat mësue

edhe se ai njerëzinë ka me e pshtue

prej gjynahit të krenarisë

Muhammedi ka mbështetjen e Hyjnisë

sot qofsh i bekuem e nisja kangës

ai qe lindë si hir i pranverës

me zambakë e lule, ringjallja e jetës

në tokë sikurse kubeja e tij e gjelbërt.